หัวข้อ: เอาหยังเฮ็ดใจ..น้อ เริ่มหัวข้อโดย: พิณจันทร์ ที่ 05 พฤศจิกายน, 2557, 01:13:40 PM (https://fbcdn-sphotos-f-a.akamaihd.net/hphotos-ak-xap1/v/t1.0-9/10414503_742598975810598_4942091184162605246_n.jpg?oh=fb4ebce99a220f4f061059c843159e75&oe=54D82D72&__gda__=1424965038_7ad897e7999b438bb8f5424e61258974)
*ขอบคุณหลายหลายเด้อภาพสาวลาวจ้า/ ..เอาหยังเฮ็ดใจ..น้อ เอาหยังน้อ..เฮ็ดใจ..ซางใจฮ้าย เป็นจั๋งใด๋..น้ออ้าย..ใจร้ายเหลือ น้องฮ้องไห่..นำหลาย..ตายสิบเทือ ยังบ่เบื่อ..ฮำฮอน..ออนซอนใจ แต่ก่อนนั้น..ฮักหลาย..ตายฮ่วมสร้าง เหลียวเบิ่งทาง..ผ่านมา..น้ำตาไหล สัญญาฮัก..ปักลง..มั่นคงไป แม้นชาติใหม่..ใด๋มา..บ่ลานาง ขันว่ายาม..เดือดฮ้อน..บ่จรจาก ยามลำบาก..ยากแสน..ควงแขนสร้าง เป็นแฮงใจ..ให้กัน..บ่หันวาง อยู่แนบข้าง..ย่างเยือน..ปานเฮือนตน มาบัดนี้..เป็นหยัง..จั่งตีจาก งามใดน้อ..มาฝาก..เฮาพรากหล่น เขางามหลาย..ซั่นบ้อ..โอ้ยน้อคน ซางลืมพ้น..กันได้..เฮ็ดใจพัง คนลืมคำ..เพิ่นว่า..ผิดพาโกรธ สาบานโทษ..ฮ้ายแฮง..คำแพงตั้ง หากแมนคำ..จำได้..ให้ประดัง กรรมบ่ยั้ง..พังคืน..ขมขื่นมา ขั่นอยากไป..ไปโลด..บ่โทษดอก บ่ต้องบอก..ปล่อยมือ..บ่ถือสา บ่ต้องย่าน..ผ่านแล้ว..ให้แคล้วลา กรรมทันตา..เด้ออ้าย..คนหลายใจ/..ซังหลายเด้.. พิณจันทร์ ..สาวเฒ่าขอนแจนจ้า/..ฮ่า มื้อนี่วันที่ ๕ เดือนสิบสอง พะนะ.. C6roetxjxRc&autoplay=1 |