|
หัวข้อ: @ ไทน้ำเซิ้ญมาเอิ้นกลับบ้านจ้า @ เริ่มหัวข้อโดย: พิณจันทร์ ที่ 17 ตุลาคม, 2556, 04:52:05 PM (https://fbcdn-sphotos-a-a.akamaihd.net/hphotos-ak-ash3/p480x480/1382236_549134555157042_516328196_n.jpg) @ ไทน้ำเซิ้ญมาเอิ้นกลับบ้านจ้า @ สาวขอนแจ่น..แดนอิสานคนบ้านนอก สิมาบอกหมู่เฮาชาวอิสาน หากผู๋ใด๋จากเฮือนบ่เยือนนาน ให้กลับบ้านเดือนหน้าอย่าสิลืม เทศกาลประจำปีมีงานไหม งามผ้าไทยพี่น้องเห็นต้องปลื้ม ผู้บ่าวสาวเที่ยวงานตระการยืม ที่พรอดรักดูดดื่มบ่ลืมเรือน กลับคืนบ้านเฮาเด้อ..ผู้บ่าวสาว ไปจักคราวค่อยกลับอย่าลับเลื่อน ไปเบิ่งควายบักตู้ใต้ล่างเฮือน ไปเหลียวเบิ่งดาวเดือนอยู่ท่งนา ไปเก็บเห็ดกระด้างอยู่กลางขอน ออกไปนอนห่มบักขามเบิ่งน้ำท่า ไปหาเอียนหาปูแลหาปลา ต้มไก่ป่านาหนองย่างหม่องดิน คันฮอดแล้วสลักไว้ไม้แป้นปีก เขียนบ่จีกคือตองอย่ามองหมิ่น มาฮอดแล้วบ้านเฮาผู้เฒ่ายิน บ่ได้เห่าเครื่องบินอยู่ถิ่นทาม กลับบ้านเฮาเด้อหล่า..เอื้อยพาอ่าว พากันฟ้าวเก็บเงินอย่าเพลินห้าม กินข้าวแลงกับพ่อแม่แลจักยาม บ่าวสาวงาม..มาอ้อน คนขอนแจ้น../ไป่โลดๆ ..ไทน้ำเซิ้ญมาเอิ้นกลับบ้าน... @เครือหวายเกี้ยว พิณจันทร์@ VNre57fss2c&feature=player_detailpage |